Ono kahanan sing ora iso tak lalekke naliko jaman arep lulus SD tahun 1980. Sekolahku mbiyen neng SD Negeri Inpres 10 Gejayan sak kidul terminal Condongcatur. Sekolah jaman kuwi aku urung kenal jenenge sepatu; nek sekolah mung cekeran.
Jaman kuwi isih arang banget sing jenenge tukang foto. Kanggo keperluan foto nggo gawe ijazah mbiyen sekolahan ngundang tukang foto keliling. Le foto mung kon lingguh kursi mburine tembok trus difoto, cekrek. Kanca-kancaku sebagian wis difoto lan tekan giliranku difoto. Lehku lingguh dipernah-pernahke tukange foto ben fotone apik hasile. Nek pas poto konco-konco dho ndelok neng ngarepe. Nanging sauwene mernahke le lingguh aku gumun kok kanca-kancaku dho nggeguyu aku kabeh. Aku dhewe bingung ono opo to kok dho nggeguyu aku ? Tak delok-delok awakku dhewe, sandhangan sik tak nggo yo tak sawang. Jebule le dho ngguyu mergo weruh kathokku bolong mergo jahitane dho ucul lan manukku ketok gemandhul. Mulo hasile foto nggon ijazahku SD rupaku rodo ngguyu sajak kepiye, ketok elik.
Tujune mono aku urung duwe roso isin sing akeh wektu kuwi.
Tidak ada komentar:
Posting Komentar